Ka’ Upi minta tolong pa Kindu deng Dore pigi jual akang Ka’ Upi pe kambing di Pasar Jengki. Maklum, Ka’ Upi nyanda sehat deng depe Mama ada di rumah saki.
Ka’ Upi : Kindu, ngana pigi pange akang pa Dore, kita mo minta tolong ngoni dua pigi jual akan kit ape
kambing. Karna mo baku tambah akang mo tubus tu resep obat.
Kindu : Oke…… kita mo pigi pange pa Dore ini.
(Nyanda lama, Kindu deng Dore sampe pa Ka’ Upi pe rumah)
Dore : Ada apa ini, Ka’ Upi pangge pa kita so…….? Kiapa Ajus so gawat so….?
Ka’ Upi : Nyanda, mar kita ada kesulitan masalah doi ini. So itu kita ada mo jual kita pe kambing.
Dore : Oke, kita deng Kindu pasti mo pigi jual akang.
Ka’ Upi : Makaseh dang ngoni dua mo bantu pa kita. Mar, depe harga so musti satu juta ka atas,
nimbole dibawa depe harga.
Kindu : So pasti itu, karna kit alia ngana pe kambing itu pe gumu sama deng Dore.
(Nyanda lama, Kindu deng Dore sampe pa Ka’ Upi pe rumah)
Kindu : Depe harga sesuai dengan ngana pe permintaan torang dua jual itu kambing.
Ka’ Upi : Jadi ngoni jual depe harga 1 juta lebeh.
Dore : Noh apa dang……….!!!
Ka’ Upi : Brapa juta dang ….?
Kindu : Pertam dorang tawar Rp. 500.000, mar, Kita deng Dore nyanda kase. Karan sesuai ngana bilang
so musti 1 juta ka atas.
Ka’ Upi : Mantap kalo bagitu. Brapa dang dorang da bili?
Kindu : Dorang bayar itu ngan a pe kambing setengah juta.
Ka’ Upi : Apa……. Setengah juta……………..????
Kindu : ngana bilang so musti depe harga juta. Jadi dorang pe bilang setengah juta, torang langsung
kase noh…………..!!
Ka’ Upi : Oh……… tolong kit ape tamang dua ini so lebe abu-abu…………………!?!?!?.
EDITOR : NYOKSI
HP Atou……….?!?!?!
Di era teknologi informasi seperti Hand Phone (HP) amper tiap hari depe model atau depe bahasa keren kata orang Jakarta beking orang-orang tertarik mo bili. Apa lei deng depe aplikasi didalang HP so boleh mo lia sagala macam, kurang tu doi mo sesuaikan. Dore deng Ka’ Upi so ada HP kong kasiang Kindu baru mo bili HP, mar ada tasalah ada bili.
Kindu : klamaring kita so binggong ada bili HP di tampa bajual HP.
Dore : Kiapa so ngana binggong bagitu?
Kindu : Kita kua mo bili itu I-Phone 5, kong kita pilih BB jo noh.
Ka’ Upi : Ah, mantap itu.
Kindu : Mar, samua pake kartu Perdana?
Dore : Kong kiapa dang sampe ngana binggong?
Kindu : Dorang ada kase pa kita nyanda pake kartu perdana noh. Kong depe layar pe kacili.
Ka’ Upi : Kong ngana bili Kindu….?
Kindu : Iyo Noh…….! Napa dang, co’ n goni lia kua……………!
Dore : Oh tolong, Kindu. Ini bukang HP, ini depe nama Kalkulator. Pigi buang jo jang beking malo.
EDITOR : NYOKSI.
