Beberapa hari lalu, Dore pulang kaqrja so tenga malang, Dore dapa lia ada dua orang mencurikan kong sementara ad aba bongkar depe rumah.
Om Dore : “WOoooiii! Mo apa ngoni dua? Papancuri kang?”
Papancuri : “Kiapa so….? Memang tong dua papancuri? Coba jo ngana bataria, tong dua bage deng
ini panah wayer. (tu panah wayer papancuri somo lapas pa Dore)(Dore pe kage kong
totofore tako, kong Dore ba bilang deng suara ta putus-putus so sama deng orang
wowo)
Om Dore : “Minta tolong, jang bage deng panah waqyer pa kita kasiang, kita masih ada mai tua
deng anak…….”
Papancuri : Kong kiapa so ngana pe maitua deng anak..?
Om Dore : Bage jo pa dorang dua, yang penting kita aman……… bagemana boleh jo itu……?
Papancuri : (Dua papancuri baku haga kong tatawa)
EDITOR ; NYOKSI
Gubernur dan Tanta Bajual Kukis
Bubernur : Tanta, so brapa lama ada bajual kukis?
Tanta : So amper 30 taong Pak Gubernur.
Gubernur : Kong, tanta pe anak ada brapa. Kiapa dorang nyanda babantu pa tantan bajual kukis?
Tanta : Kita pe anak ada 4, anak yang tua di Kejaksaan Tinggi. Anak ke 2 di Polda, anak ka 3 di
DPRD, kong yang bungsu di Pengadilan Negeri Manado. So itu dorang sibuk Pak
Gubernur : (Gubernur Goyang kapala karna bangga. Dengan percaya diri Pak Gubernur bicara
Pa orang-orang yang ada disekitar kantor.) Tanta ini, biar Cuma bajual kukis, mar
Depe anak 4 sukses dean jujur nyanda korupsi. Karna, koila tanta pe anak 4 ini korupsi,
So pasti tantan ini so nyanda bajual kukis kong tinggal di rumah basar deng
sejahtera….!!! (Kong pak Gubernur batanya pa tanta panjual kukis.) Apa jabatan
tanta pe anak-anak di Kejaksaan Tinggi, Polda, DPRD deng Pengadilan Negeri…..?
Tanta : (Dengan bangga, tanta ba bilang pa Pak Gubernur) Dorang samua sama deng kita Pak
Gubernur ja bajual noh……….!?!?!?
Gubernur : (Ba haga pa tu tanta amper anfal Pak Gubernur)
EDITOR : NYOKSI
