Dore pulang pagi dari kerja, karna ada lembur. Pe sampe dirumah, Dore dapa dengar ada suara-suara aneh dari depe kamar deng Purut. Dore langsung nae ka atas, maklum toh, Dore pe rumah panggung (rumah adat Minahasa, red) peninggalan orang tua. Pe sampe di kamar, Dore lia depe mai tua Purut ta tidor di koi nyanda pa baju, kong so basuar deng depe suara ba hosa. Dore Tanya pa Purut, kiapa ngana ini…..? Purut jawab pa Dore, kita dapa saki jantong kasiang Dore………!
Dore dapa dengar di ape mai tua bilang dapa serangan jantong, langsung turung di ruangan bawa mo ambe depe jekat, karna dia pe HP mob a telepon pa dokter. Mar depe anak ka dua yang umur 4 taong ba bilang, Papa Ade Puris ad aba sambunyi di lemari baju, kong so nyanda pake baju.
Dore kase maso ulang depe HP, kong nae ulang ka atas. Depe mai tua Purut masih da babataria. Dore pe buka itu lemarai baju. Dore lia butul skali, depe anak basudara Puris ad aba sambunyi, kong so nyanda pake baju alis batalanjang bulat dalam keadaan totofore tako, kong Dore bilang. Bukang maeng ngana Puris, Purut ada kena serangan jantong, kong ngana lari batalanjang kase tako pa anak masih kacili. Nyanda ada perasaan ngana Puris……!
EDITOR : NYOKSI
Berita Anak Ilang
Berita Kehilangan……………..! Telah hilang seorang anak, dengan ciri-ciri sebagai berikut:
Nama : Sampel
Alamat : Kembes Jaga 2
Usia : 7 tahun
Sampel menghilang sejak hari minggu jam 13.00 WIB, memakai baju partai, celana pende, kulit putih, rambut pende deng pakai solop gepe basar.
Bagi yang menemukan ciri-ciri diatas harap menghubungi depe mama, karna itu solop depe mama mo pake mo pigi pasar………………..!!!
EDITOR : NYOKSI
