So nyanda lama tu Hari Natal, orang-orang so lebe sibuk ba cari itu kebutuhan. Mulai dari anak-anak sampe orang tua kasana kamari, sampe-sampe ada yang pusing karna so baku susung. Om Dore, Ka’ Upi deng Kindu da bajalang di Bendar (Pasar 45) ad aba lia-lia sampe binggong yaki (moyet), nintau mob eking apa. Om Dore bilang pa dorang dua, lebeh bae torang cari rumah kopi, kong ba carita disana jo. Bagemana…….. boleh jo itu??? Pe sampe di Rumah kopi, langsung pasang kopi susu deng kukis lalampa. Babini torang tiga pe cirita :
Om Dore : Bukang maeng ni Manado menjelang Hari Natal kang? So mulai rame.
Kindu : Kete e’ Dore……., Kita tadi di Bendar so rasa pusing.
Ka’ Upi : Kinapa ngana bilang te Kindu….? Mo pusing?
Om Dore : Masih da sisa tadi malang no!!!
Kindu : Capa, ngoni kira kita masih ja bagate so? E’ dengar, sejak Kepolisian larang Bagate, kita
so brenti, tau.
Om Dore : Bagus kalo bagitu. No, tu ngana rasa pusing, kiapa so?
Kindu : Baru tanggal bagini, tu manusia so sama deng bifi.
Om Dore : So itu lei no kita da ba pikir, Dorang bilang susah doi, mar, tu manusia di Bendar so
nyanda ada nat.
Ka’ Upi : So bagitu no tu Manado, kalo somo Natal deng Taong Baru. Mar, kita mo kase inga pa
kita pe suadara-sudara. Kalo di tampa-tampa banya orang, sousti hati-hati. Ngoni tau
toh. Banyak skali tu orang-orang cari kesempatan alias mancari gampang/papancuri.
Om Dore : Butul skali tu ngana da bilang Ka’ Upi. Waspadalah – waspadalah…………..!!!! (Nyoks)
