Kalo bulan Desember bagini, so pasti musim ujang. So itu musti waspada. Sama deng itu pribahasa kuno: sadia paying sebelum ujang. Depe arti, beking bersih itu halaqman rumah, kong depe sampah jang buang di got…..! mar ada jo itu masyarakat jaga buang sampah semberangan seperti kalo ujang turung, itu dorang pe sampah buang di got. Sama deng Ka’Upi, depe sampah buang di kuala. So itu Om Dero dseng Kindu ada kase nasehat pa Ka’ Upi.
Ka’ Upi : Ini kesempatan mo buang ini sampah di kuala……..!
Om Dore : Eeeeee, Ka, Upi……. Kiapa ngana mo buang itu sampah di kuala.?
Ka ‘ Upi : Kinapa, Ente pe kuala………….so….?
Kindu : Kate Upi, ini kuala torang punya samua. Nah ini itu ngana pe salah.
Ka, Upi : Ente – ente ini salalu apa yang Anna mo beking bilang salah. No apa dang itu butul….?
Om Dore : Itu butul Ka, Upi, itu sampah ngana bakar deng tanang di tanah. Kalo itu sampah plastic
ngan bakar. Itu sampah basah, ngana tunggu kalo ada matahari ngan jumur sampe
kiring, kong ngana bakar…………… bagemana, boleh jo itu……………..?
Kindu : Butul skali itu………………….!
Ka’ Upi : Adooooohhhh…………! Bae jo ente berdua Ada togor pa anna.
Om Dore : Torang samua ini basudara, so musti baku kase inga. Jang karna ada mo perlu pinjang
doi atau apa, baru torang baku togor. Apa lagi so musim ujang bagini. So musti
waspada. Iyo toh…………!!!
Ka’ Upi : Trima kaseh kasana ini,eeeee.
Kindu : Kong….. so nyanda mo buang sampah di kuala…….?
Ka’ Upi : So nyanda ini. Deng annna mo kase inga pa torang pe sudara-sudara, musim ujang so
datang bagini, jangang buang sampah sembarangan, supaya bencana tu tanggal 15
Januari 2014 lalu nyanda mo kana ulang.
EDITOR : NYOKSI
